Chapter 1- നട്ടാലം വീട്

അമ്മുമ്മേ "എനിക്ക് ഉമ്മിണി തങ്കയുടെ കഥ കേൾക്കണം  ", എന്ന് ഹരി കൃഷ്ണൻ പറയുമ്പോൾ , പദ്മനാഭപുരം കൊട്ടാരത്തിന്റെ   അമ്പാരി മുഖപ്പിലൂടെ  വെളിച്ചം നട്ടാലം വീടിന്റെ തെക്കതിൽ പതിക്കുന്നതും , നാല്  ദശാബ്ദം മുൻപേ വീട്ടു പടിക്കലെ സരസ്വതി അമ്മൻ തിരുവിതാംകോട് എഴുന്നള്ളാൻ അകമ്പടി കൊള്ളുന്നത് ആണ്‌ സുമതി അമ്മയ്‌ക്ക ഓർമ വന്നത്.

"അതെ. " ഇന്ന് ആകും ആ ദിവസം. തുലാം മാസത്തിൽ  മഴ ഇല്ലാതെ നാല് ദിവസമായല്ലോ  "  മോനെ , ഇപ്പോ സമയം ഇല്ല ", അമ്മയോട് പോയി കളിക്ക് , സ്ഥിരം പല്ലവിയോടെ ഹരിയെ ഒഴിവാക്കാനായി വൃഥാശ്രെമം.

ഹരി വിടുന്ന മട്ടില്ല  - "അമ്മുമ്മേ  കഥ  പറഞ്ഞു തരു".

ചരിത്രം മറന്നിട്ടു കാലമായി , എന്നാലും അടുത്ത തലമുറ അറിഞ്ഞിരിക്കണമല്ലോ   , വഞ്ചി-വേണാട് ചരിത്രം എന്ന് ഓർത്തു സുമതി പതുക്കെ  ഹരിയെ എടുത്തു ചിരട്ടക്കരി പാകി മിനുസപ്പെടുത്തി ഉണ്ടാക്കിയ തറയിൽ ഇരുത്തി  തന്റെ ഓർമ്മകൾ  ഒന്ന് തട്ടി എടുത്തു. 

 "൧൦൦/ 100 യോജന , അതായതു 100 മൈൽ വീതി , ഉള്ള ഒരു മലനാടാണ് കേരളം എന്ന് ഭൂഗോള പുരാണത്തിൽ വിവരിക്കുന്നു . എന്നാൽ കർക്കം , വേണ് ,പൂഴി  എന്നീ  ചേര , ചോള ,പാണ്ട്യ രാജ്യം ചേർന്നു ഭരിക്കുന്ന രാജാക്കന്മാരുടെ കീഴിൽ എങ്ങാണ്ടോ ആയിരുന്ന് ഈ പ്രദേശം എല്ലാം , ൧൦൦൦ / 1000 വര്ഷം മുൻപേ എന്നുള്ള അറിവ് അമ്മുമ്മേടെ അമ്മുമ്മ പറഞ്ഞിട്ടുണ്ട് . മലയുടെ താഴെ ഉള്ള മല നാട്ടിൽ  "മലയാള " ഭാഷ രൂപപ്പെട്ടു , അതിൽ തമിഴ്  ,സംസ്‌കൃതം എന്നിവ ചേർന്നു ഒരു കലർന്ന പദം ആയിരുന്നു ഉണ്ടായിരുന്നത്".

അപ്പോൾ പേരിൽ മാത്രമാണോ മലയാളം ഉണ്ടായിരുന്നത്‌? എന്ന് ഹരി 

                                                                                                                                                                                                                                 ശ്രീ പദ്‌മനാഭജയം!